ការជួបគ្នានៃវប្បធម៌ (Encountering Cultures) គឺជាក្រុមពិពរ័ណ៌ដែលប្រមូលផ្តុំសិល្បករ១៤រូបមកពីអាស៊ីនិងអឺរ៉ុប។​ សិល្បករ​​ទាំងនេះ​រស់​នៅ​​ប្រទេស​កម្ពុជា និង​ចូល​រួម​យ៉ាង​​សកម្ម​ក្នុង​វិស័យ​សិល្បៈ​ក្នុង​ស្រុក។ ការតាំងពិព័រណ៍ជាក្រុមនេះបង្ហាញពីឥទ្ធិពលនៃវប្បធម៌ផ្សេងគ្នា តាមរយៈស្នាដៃសិល្បៈនិងការអនុវត្តជាក់ស្តែងរបស់ពួកគេ។ ទម្រង់ផ្សេងៗគ្នានៃស្នាដៃសិល្បៈ(គំនូរអរូបី, រូបថត, សិល្បៈឌីជីថល និងរូបចម្លាក់) បានបង្ហាញនៅក្នុងពិព័រណ៍នេះ ដែលផ្តល់ឱកាសឱ្យមានការផ្លាស់ប្តូរ​ចំណេះដឹង និងទស្សនៈសិល្បៈផ្សេងៗគ្នា ព្រមទាំងការចែករំលែកនូវភាពសម្បូរបែបនៃវប្បធម៌ផងដែរ។
ស្នាដៃសិល្បៈនីមួយៗ​​​តាំងនៅក្នុងពិពណ៌នេះបង្ហាញនូវភាពរស់រវើកនៃលំហូរវប្បធម៌ និងការជួបគ្នានៃវប្បធម៌ចម្រុះ។ តាមរយៈការតាំងពិព័រណ៌នេះ ជាពិសេសការយកចិត្តទុក​ដាក់លើគោលបំណងរបស់ ASEM គឺដើម្បីបន្តពង្រឹងកិច្ចសហប្រតិបត្តិការ និងការតភ្ជាប់រវាងអាស៊ីនិងអឺរ៉ុប។